Alymlar kosatka-läheňleriň ganhor-kitler kimin nämüçin gämilere hüjüm edýändikleriniň sebäbini anykladylar, olaryň gelen netijelerine görä, adatça ýuwaş hasaplanýan bu balyklar içgysmadan şeýle edýärler. Bu barada MIR 24 ýazýar.
2020-nji ýyldan bäri kosatkalar 600-dan gowrak gämä hüjüm etdiler, olaryň köpüsi gark boldy. Hüjümler, esasan, Portugaliýanyň, Ispaniýanyň we Marokkonyň kenarlarynda hasaba alyndy.
Alymlar 2019-njy ýylda bu äpet balyklaryň iýmit ýetmezçiligine uçrandygyny belleýärler. Munuň sebäbi olaryň esasy iýmiti bolan gök tunes balyklar görnetin azaldy. Şonuň üçin kasatkalar iýmit gözleginde köp ýüzmeli boldular.
2020-nji ýylda tunes balyklaryň sany ýene dikeldi, iýmit ýeterlik bolandan soňra, bikärlikden kasatkalaryň içi gysyp başlady.
Alymlaryň pikiriçe, bu läheň balyklar gämileriň dessesini (ruluny) oýnawaç hökmünde görýärler. Megerem, bir gezek olaryň biri gämileriň biriniň dessesini oýnan bolsa gerek, ol muny beýleki kasatkalara hem öwredendir diýip, alymlar belleýärler.
Deňiz — juda içgysgynç ýer. Alymlar öň hem kasatkalaryň predmetleridir beýleki deňzi jandarlaryny oýnawaç hökmünde oýnamagy halaýandyklaryny hasaba alypdylar. Emma bu oýunlar deňizçiler üçin howply. Şonuň üçin alymlar gaýykly deňze çykýanlara bu balyklaryň üýşen ýerinden gaça durmagy ýa-da olary güýçli ses bilen ürküzmegi maslahat berýärler diýip, The Daily Mail ýazýar.