Iki agram kategoriýasynda UFC-niň öňki çempiony Konor Makgregor garyşyk başa-baş söweş sungatynyň ähli ugurlarynda, şol sanda parterde howply bolmaga mümkinçilik berjek täze söweş stilini işländigini nygtaýar. Bu barada fighttime.ru belleýär.
Wideodan görnüşi ýaly, Makgregor MMA boýunça doly derejeli türgenleşige başlapdyr we hakykatdanam, oktagona dolanmaga taýýarlanýar. Soňky gezek ol oktagona geçen ýylyň tomsunda çykdy we şonda Dastin Porýe garşy söweşde aýagyny döwdürdi. UFC-niň prezidenti Dana Uaýtyň aýtmagyna görä, Makgregor indiki söweşini 2023-nji ýylyň başynda geçirer.