Kongo Demokratik Respublikasynyň gündogaryndaky Demirgazyk Kiwu ştatynda gozgalaňçylaryň 2-nji dekabr güni gije guran hüjüminde asuda ilatdan ýogalanlaryň sanynyň 272 adama ýetendigi aýan edildi.
Kongo Demokratik Respublikasynyň Senagat ministri we Demirgazyk Kiwu ştatynyň ozalky gubernatory Žulien Paluku, Demirgazyk Kiwu ştatynyň Rutşuru sebitiniň Kişişe şäherçesinde 23-nji Mart Hereketi (M23) atly gozgalaňçy toparyň 2-nji dekabr güni gije guran hüjümi bilen baglanşykly beýannama berdi.
Hüjümi gyrgynçylyk hökmünde häsýetlendiren Paluku, 17-si çaga asuda ilatdan jemi 272 adamyň ýogalandygyny mälim etdi.
Paluku waka bilen baglanşykly Adalat ministriniň Halkara Jenaýat Kazyýeti tarapyndan derňew geçirilmegini talap etmek maksady bilen Gaaga gidendigini beýan etdi.
Ýurduň gündogarynda M23 agza topar bilen howpsuzlyk güýçleriniň arasynda 2021-nji ýylyň noýabr aýyndan bäri güýçli çaknyşyklar başdan geçirilýär.
Kongo Demokratik Respublikasynyň hökümeti Demirgazyk-Kiwu welaýatynyň paýtagty Goma şäherini basyp almagyndan howatyr edilýän 23-nji mart (M23) atly gozgalaňçy toparyň Ruanda tarapyndan goldanýandygyny öňe sürýär.
Ruanda öňe sürmeleri ret edýär, iki ýurduň arasyndaky syýasy we diplomatik dartgynlyklar bolsa dowam edýär.
BMG tarapyndan berilýän maglumata görä Kongo Demokratik Respublikasynyň çäklerinden gazylyp alynýan käbir baýlyklar gozgalaňçylar tarapyndan goňşy ýurtlara satylýar.