Russiýanyň Goranmak ministrliginiň Metbugat sekretary Igor Konaşenkow, Ukrainanyň Herson sebitinde HIMARS köp nilli raketa ulgamynyň 8 raketasyny howada täsirsiz ýagdaýa getirendiklerini habar berdi.
Ukrainanyň Zaparožýe sebitinde ukrainaly 30 esgeriň öldürilendigini, 14 harby enjamyň ýok edilendigini aýdan Konaşenkow, Nikolaýew sebitinde 28-nji Mehanizrlenen brigadanyň pozisiýalaryna garşy guralan hüjümleriň netijesinde 50-den gowrak esger bilen ýörite harby ulagyň ýok edilendigini öňe sürdi.
Konaşenkow Donetsk sebitinde takmynan 100 ukrainaly esgeriň, 2 taňkyň we 15 awtoulagyň hatardan çykarylandygyny öňe sürüp, soňky 24 sagatda Ukrainanyň goşunyna degişli 8 dolanşyk merkezi bilen 6 ok-däri ammaryň ýok edilendigini mälim etdi.
Mundan başgada 5 uçarmansyz howa ulagynyň od açylyp, ýere gaçyrylandygyny aýdan Igor Konaşenkow, Ukrainanyň Herson sebitinde HIMARS köp nilli raketa ulgamynyň 8 raketasyny howada täsirsiz ýagdaýa getirendiklerini habar berdi.
Konaşenkow: "Ukrainada şu günki güne çenli 267 uçar, 148 dikuçar, 1790 uçarmansyz howa ulagy, 368 howa goranyş raketa ulgamy, 4 müň 372 taňk we sowutly ulag, 814 köp nilli raketa ulgamy, 3 müň 329 gaubisa we minomýot we 5 müň 16 ýörite harby awtoulag ýok edildi" diýip beýan etdi.