Kopa Amerikada ýarym finalyň beýleki duşuşygy diýseň dartgynly ýagdaýda geçdi. Şarlott şäherinde geçirilen oýunda Kolumbiýa bilen Urugwaýyň ýygyndysy duşuşdy. Çekeleşikli geçen oýunda Kolumbiýanyň ýygyndysy 1-0 hasabynda ýeňiş gazandy.
Argentinaly Nestor Lorenzonyň tälimçiligindäki Kolumbiýanyň ýygyndysyna ýeňiş getiren ýeke-täk goly 39-njy minutda Hames Rodrigesiň pasyndan soň Jefferson Lerma geçirdi.Bu Rodrigesiň çempionatdaky 6-njy asistidir.Oýnuň 45+1-nji minutynda 2-nji sary kartyny alan Daniel Munýos meýdançadan çykarylyp, Kolumbiýanyň ýygyndysy 2-nji ýarymy 1 oýunçy kem oýnady. Ýöne muňa garamazdan, Urugwaýyň ýygyndysyna ne hasaby deňlemek, ne-de ýeňiş gazanmak başartdy. Şeýlelikde, 1-0 hasabynda ýeňiş gazanan Kolumbiýanyň ýygyndysy 23 ýyldan soň 3-nji gezek finala çykdy. 1975-nji ýylda finalda Perudan asgyn gelen Kolumbiýanyň ýygyndysy 2001-nji ýylda Meksikany Iwan Kordobanyň ýeke-täk goly bilen ýeňip, ilkinji çempionlygyny gazanypdy.
Argentina bilen Kolumbiýanyň arasyndaky final duşuşygy 15-nji iýulda duşenbe güni daňdan 05:00-da başlanar. Duşuşyk Florida ştatynyň Maýami Gardens şäherindäki “Hard Rock Stadium”-da geçiriler.
Bu duşuşykdan öňem 14-nji iýulda Kanada bilen Urugwaýyň arasynda bürünç medal urgundaky duşuşyk oýnalar we bu duşuşyk hem 05:00-da başlanar.