Hindistanda köpçülikleýin nikadan geçmek boýunça dünýä rekordlarynyň ikisi täzelendi. Bir wagtda ýaş çatynjalaryň 2143 jübüti nikadan geçdiler. Waka ýurduň Rajastan ştatynyň Baran şäherinde geçdi. Bu waka Ginnesiň rekordlar kitabynyň wekilleri tarapyndan hasaba alyndy.
Nikalaşmak däbi şu ýylyň 26-njy maýynda guralyp, alty sagada golaý dowam etdi. Şeýlelikde, bu ugurdaky öňki rekordlaryň ikisi täzelendi. Jübütleriň her birine gelinlik üçin şaý-sepler, düşek, aşhana gap-gaçlarynyň toplumy, holodilnik, telewizor we beýleki durmuş maksatly tehnika sowgat berildi.