Aşgaýadyň ýaşaýyş jaýlarynyň köpüsinde, geçirijileriň we enjamlaryň köneligi zerarly, elektrik togy kesilýär.
5-nji fewralda Şewçenko köçesiniň ugrundaky köp kwartiraly jaýlaryň ikisinde tas bir gije-gündizläp tok bolmady.
8-nj fewralda Parahat-2 mikroraýonynda ir sagat 8-den başlap, bir topar jaýda tok bolmady. Ol ýerde ýer astyndaky elektrik geçirijisi ýaryldy. Bir sagat çemesi soňra bu taýdan uzak bolmadyk ýerde ýene bir geçiriji ýarylyp, onuň ornunda uly bolmadyk çukur döredi.
Ýerli ýaşaýjylar şäheriň elektrik üpjünçiligi gullugynyň diňe “deşikleri ýamamak” bilen meşgullanýandygyny aýdyp zeýrenýärler. Islendik ýagyşdan ýa-da ýelden soň şäheriň ol ýa-da beýleki ýerinde tok kesilýär. Energiýa üpjünçilik işgärleriniň özleriniň boýun almaklaryna görä, bu ýagdaýlar elektrik geçirijileriniň aşa könelmeginden ýa-da nädogry çekilmeginden uç alýar.
1 of 4