Angliýanyň “Premier Ligasynyň” wekili “Brentford” topary çempionatyň başga bir kluby “Wulwerhemptondan” goragçy Natan Kollinzi transfer etdi. “Brentford” topary 22 ýaşyndaky irlandiýaly goragçy üçin “Wulwerhempton” toparyna 23 million funt sterling tölär. Bu bolsa Brentford toparynyň taryhyndaky iň gymmat transfer diýmekdir. Natan Kollins täze kluby bilen 6+2 ýyllyk şertnama baglaşdy. Ol geçen möwsümde 31 oýunda meýdança çykypdy.