Ukrainaly meşhur boksçy, agyr agram derejesiniň ozalky çempiony Wladimir Kliçko karýerasyny tamamlandygyny habar berdi. 41 ýaşyndaky boksçy: Indi sportdan soňky 2-nji karýerama başlamak isleýärin.Uzak wagtlap we başarnykdan, ýeňişden doly karýera özümem garaşamokdym.
Munuň üçin gaty minnetdar diýip, sosial media ulgamy arkaly boksy taşlandygyny aýtdy.Dünýä Boks Bileleşiginiň (WBO), Dünýä Boks Guramasynyň (WBO), Halkara Boks Federasiýasynyň (IBF) hem-de Halkara Boks Guramasynyň (IBO) çempionlyk kemerlerini gazanan Kliçko häzire çenli 21 ýyllyk sport ýolunda 69 gezek duşuşyk geçirdi.
Ol şol duşuşyklaryň 5-sinde ýeňlişe sezewar bolup, 54-sinde nokaut bilen ýeňiş gazandy.Ol 2 ýyl mundan ozal, 28-nji çempionlyk duşuşygynda angliýaly Taýson Fýuriden ýeňlip, kemerini elden gideripdi.
Kliçko şu ýylyň maý aýynda-da Londondaky “Wembli” stadionynda 90 müň janköýeriň şaýatlygynda başga bir angliýaly boksçy Antoni Joşuadan 11-nji raundda nokaut bilen asgyn gelipdi. Şeýlelikde, Kliçkonyň şu ýylyň noýabr aýynda Joşua bilen geçirjek haklaşyk tutluşygy-da ýatyryldy.