Demirgazyk Koreýanyň lideri Kim Çen Yn, paýtagt Phenýan şäherinde geçirilen Koreýa Halk Goşunynyň maslahatynda çykyş etdi.
Günorta Koreýa bilen harby dartgynlygyň "taryhda iň erbet derejede" bolandygyny aýdan Kim Çen Yn, Koreýa ýarym adasyny "dünýäniň iň dartgynly nokady" hökmünde häsiýetlendirdi.
Kim, ýurduň harby kuwwatynyň güýçlendirilmeginiň zerurdygyny belläp, harby gullukçylary "sebitde ýüze çykyp biljek hakyky uruşa taýýar bolmaga" çagyrdy.
Ýonhapyň habaryna görä, Günorta Koreýanyň Baş ştabyndan berilen beýanatda, Günorta tarapa Demirgazyk Koreýanyň içinde zir-zibil bolan takmynan 40 sany howa şaryny uçurandygy habar berildi.
Beýanatda, bu howa şarlarynyň ýarysynyň paýtagt Seul we Gýonggi welaýatynyň töweregine gaçandygy bellenildi.
Iki ýurduň arasynda eýýäm ençeme wagtdan bäri "zir-zibil howa şarlary" we "uçarmansyz howa ulagy" dartgynlygy başdan geçirilýär.
Demirgazyk Koreýa, 19-njy oktýabrda Günorta Koreýadan uçurylan uçarmansyz howa ulaglaryna degişli galyndylary tapandyklaryny öňe sürüpdi.
Günorta Koreýanyň goşuny bolsa aýyplamalaryň "bir taraplaýyndygyny", tassyklanmaga ýa-da jogap bermäge degmeýändigini aýdypdy. Demirgazyk Koreýa, ýurduň paýtagtynyň üstüne Phenýana garşy içinde propaganda kagyzlary bolan uçarmansyz howa ulaglaryny iberendigi aýyplamasy bilen Günorta Koreýany günäkärleýär.
Demirgazyk Koreýa şeýle-de maý aýynyň ahyryndan bäri zir-zibil göterýän 7 müňden gowrak howa şaryny Günorta Koreýa uçurypdy.
Iki ýurduň arasynda dartgynlyga sebäp bolan howa şarlary, Demirgazyk Koreýa tarapyndan "söz azatlygy" diýlip häsiýetlendirildi, Günorta Koreýa bolsa bu beýanaty ýazgarypdy.