Katar, düýn Siriýanyň Halap welaýatynyň Manbiç etrabynda bomba ýüklenen ulag bilen guralan terrorçylykly hüjümi ýazgardy.
Kataryň Daşary işler ministrliginden berlen ýazmaça beýannamada, “Siriýa Arap Respublikasynyň Manbiç etrabynda guralan terrorçylykly hüjümi berk ýazgarýarys” diýildi.
Beýannamada, “Katar terrora we zuluma garşy durýar we terrorçylykly hüjümleri ýazgarýar” diýildi.
Beýannamada Kataryň Siriýa bilen arkalaşykly hereket edýändigi we Siriýada howpsuzlygyň we durnuklylygyň ýola goýulmagyna uly goldaw berýändigi ýatladyldy.
Manbiç etrabynda bomba ýüklenen ulag bilen guralan terrorçylykly hüjümde asuda ilatdan 17 adam ýogalypdy, 16 adam hem ýaralanypdy.
Hüjümiň jogapkärçiligini heniz öz üstüne alan bolmady.
Siriýanyň Milli goşuny, Azatlyk Şapagy operasiýasynyň çäginde 9-njy dekabrda Manbiji PKK/ÝPG-li terrorçylardan saplapdy.