Ertir başlanjak Katar 2022 Dünýä Kubogy ýaryşy dünýäde 200-e golaý ýurtda göni ýaýlymda berler. Şolaryň arasynda Russiýanyň “Match tv”, “Match futbol 1”, Täjigstanyň “Varzish” hem-de “Football HD”, Türkiýäniň “Trt1”, “Trt spor” Azerbaýjanyň “Ictimai Tv”, Gazagystanyň “KazSport”, Eýranyň “IRIB Varzish”, Germaniýanyň ZDF, Italiýanyň “Rai 1”, Beýik Britaniýanyň “BBC One” hem-de “Itv” ýaly teleýaýlymlary 64 duşuşygy janköýerleriň dykgatyna ýetirerler.
Çempionatyň çäginde 64 oýun bolup, olaryň 48-si toparçalardaky duşuşyklardyr. Toparçalardaky 3-nji duşuşyklar bir wagtda başlar we olaryň hersini 1 telaýaýlym görkezer.
Çempionatyň 1-nji güni 1, 2-nji 3 duşuşyk oýnalar. 22-nji noýabrdan 2-nji dekabra çenli aralykdaky günlerde her gün 4 duşuşyk geçiriler.Toparlarçalardaky duşuşyklar (ýygyndylaryň 1-2-nji oýunlary) Aşgabat wagty bilen 15:00-da, 18:00-da, 21:00-da hem-de 00:00-da başlanar.
Toparçalardaky 3-nji duşuşyklar, ýagny bir wagt oýnaljak oýunlar bolsa 20:00-da hem-de 00:00-da başlar.
Utulan-çykdy tapgyrynyň oýunlarynyň başlanýan wagty hem 20:00 we 00:00-a deňdir. Ýarym final duşuşyklary 00:00-da başlasa, 3-nji ýer we final duşuşygynyň başlanýan wagty 20:00 diýlip kesgitlendi.