Düýn badalga alan Katar 2022 Dünýä Kubogynyň 2-nji gününde 3 duşuşyk oýnalar. Olaryň 1-njisi “B” toparçada Angliýa bilen Eýranyň arasynda bolup, duşuşyk Aşgabat wagty bilen 18:00-da başlar. Bu olaryň arasyndaky ilkinji oýun bolar. Duşuşyk ýurduň milli stadiony bolan “Khalifa International”-da oýnalyp, oýna braziliýaly Rafael Klaus eminlik eder.
Günüň 2-nji duşuşygy 21:00-da “A” toparçadaky Senegal bilen Niderlandlaryň arasyndaky oýun bolar. Paýtagt Dohadaky Al Thumama stadionynda geçiriljek duşuşykda başga bir braziliýaly emin Wilton Sampaio jürlewük çalar. Bu iki ýygyndy hem taryhlarynda ilkinji gezek duşuşarlar.
22-nji Dünýä Kubogynda günüň 3-nji duşuşygy “B” toparçada ABŞ bilen Uelsiň arasyndaky oýun bolup, duşuşyk ýarygijede (00:00) başlar.Al Raýýan şäherindäki Ahmad bin Aliniň adyny göterýän stadionda oýnaljak duşuşyga katarly Abdulrahman Al-Jassim eminlik eder.
Iki topar mundan öň 2 gezek duşuşyp, şolaryň 1-inde ABŞ 2-0 hasabynda ýeňiş gazanypdy.Beýleki duşuşyk golsuz tamamlanypdy.Olar Dünýä Kubogynyň çäginde ilkinji gezek duşuşarlar.
2-nji günüň duşuşyklary
ANGLIÝA EÝRAN (18:00) “Khalifa International” Rafael Klaus (Braziliýa)
SENEGAL NIDERLANDLAR (21:00) “Al Thumama” Wilton Sampaio (Braziliýa)
ABŞ UELS (00:00) “Ahmed bin Ali” Abdulrahman Al-Jassim (Katar)