Russiýaly tennisçi Aslan Karatsew Awstraliýanyň Sidneý şäherinde geçirilen ýaryşda ýeňiji boldy. Bu barada www.sport.ru habar berdi.
Ýaryşyň finalynda Karatsew britaniýaly Endi Marreý bilen duşuşdy. Oýun Karatsewiň peýdasyna 6:3, 6:3 hasabynda tamamlandy. Duşuşyk jemi 1 sagat 30 minut dowam etdi. Ýaryşyň baýrak gaznasy 521 müň dollara barabar boldy. Australian Open ýaryşy 17-nji ýanwarda başlar. Aslan Karatsew birinji tapgyrda ispaniýaly Haume Munar bilen, Endi Marreý bolsa gruziýaly Nikoloz Basilaşwili bilen oýnar.