Russiýanyň “KAMAZ” açyk paýdarlar jemgyýeti Türkmenistanyň Daşoguz welaýatynda bäşinji tehniki hyzmat merkezini açmagy meýilleşdirýär. Bu barada “Trend” agentligi sişenbe güni habar berdi.
Häzirki wagtda ýurtda dört sany “KAMAZ” tehniki hyzmat merkezi bolup, olar Türkmenistanyň ykdysadyýetiniň dürli pudaklarynda ulanylýar.
“KAMAZ” kompaniýasynyň ilkinji tehniki hyzmat merkezi 2008-nji ýylyň iýul aýynda Türkmenistanyň paýtagty Aşgabat şäherinde açyldy. Şeýle hem bu ugurly merkezler 2021-nji ýylyň noýabr aýynda Türkmenbaşy şäherinde, 2022-nji ýylyň sentýabr aýynda bolsa Mary we Türkmenabat şäherlerinde açyldy.
“KAMAZ” APJ-niň baş müdiri Sergeý Kogogin 2023-nji ýylyň başynda kompaniýanyň Türkmenistana iki sany elektrik awtobusyny we ýurduň howa şertlerinde synag etmek maksady bilen tiz zarýad beriş stansiýasyny iberendigini habar berdi.