UEFA Ýewropa ligasynda 1/16 finalyň birinji duşuşyklary oýnaldy.Geçirilen 16 duşuşygyň 9-synda ýer eýeleri ýeňiş gazandy. 4 oýun deňlikde gutaryp, 3 duşuşykda myhmanlar garşydaşlaryndan üstün çykdy.
Myhmançylykda ýeňiş gazanan toparlaryň biri “Inter” bolup, olar Bolgariýanyň “Ludogores” toparyny Erikseniň (71) we Lukakunyň (90+5p) gollary bilen 20 ýeňdi. Şweýsariýanyň “Bazel” topary-da myhmançylykda APOEL-den (Kipr) 30 üstün çykyp, 1/8 finala çykmak ugrunda uly mümkinçilik gazandy.
Iňlisleriň “Arsenaly” hem myhmançylykda “Olimpiakosy” 10 (Lakazett 81) ýeňip, Londona ýeňiş bilen dolandy.Başga bir iňlis kluby “Wulwerhempton” öz meýdançasynda “Espanýoly” 40 utup, uly hasap bilen ýeňiş gazandy.
Duşuşykda portugaliýaly hüjümçi Diogo Žota 3, Ruben Newes bolsa 1 gezek tapawutlandy.Germaniýanyň wekili “Aýntraht” hem uly hasaply ýeňiş gazanan topar boldy.Olar öz meýdançasynda “RB Salsburgy” 41 hasabynda ýeňdi.
Duşuşykda ýaponiýaly hüjümçi Daiçi Kamada het-trik edip, toparynyň ýeňiş gazanmagynda esasy rol oýnady.Kubogyň dalaşgärlerinden diýlip, görkezilýän “Aýaks” myhmançylykda “Hetafeden” 20 asgyn geldi (Deýwerson 38, Kenedi 90+3).
Tapgyryň golly duşuşyklarynyň birinde Şotlandiýanyň “Reýnjersi” öz meýdançasynda “Bragany” kabul etdi. Ýer eýeleri garşydaşynyň 20 öňe saýlanandygyna garamazdan 32 hasabynda ýeňiş gazanmagy başardy. Şotland toparyna ýeňiş getiren gollaryň ikisini meşhur futbolçy Jorj Hajiniň ogly Ýanis Haji, beýlekisini-de Aribo derwezä girizdi.
Jogap duşuşyklary 27-nji fewralda oýnalar.