Braziliýaly rowaýaty futbolçy Rikardo Izakson dos Santos Leite, has ýörgünli ady Kaka tälimçilige baş goşmakçy bolýar. 2017-nji ýylda professional karýerasyny tamamlan 40 ýaşyndaky Kaka bu barada: “Sportda ýolbaşçy bolmak ugry boýunça alýan bilimimiň 4-nji tapgyryny tamamladym.
Tälimçilige taýýarlyk sapaklarynyň ählisini şu ýylyň dowamynda tamamlamagy göz öňünde tutýaryn.Geljek ýylam näme boljagyny göreris. Öňümizdäki Dünýä Kubogyna tomaşa etmekçi hem-de tälimçilik bilen baglanyşykly täze zatlary öwrenmegimi dowam etdirmekçi” diýip, gürrüň berdi.
Karýerasy boýunça “Sao Paulo”, “Milan”, “Real Madrid”, “Orlando” klublarynda oýnan Kaka 529 oýunda 161 gol geçirip, 146 goluň pasyny berdi.