Daşary işler ministri Mewlüt Çawuşoglu, öňümizdäki günlerde käbir ýurtlaryň daşary işler ministrleri bilen birlikde Owganystanyň paýtagty Kabula gitmegi meýilleşdirýändiklerini aýtdy.
Mewlüt Çawuşoglu, Indoneziýanyň Daşary işler ministri Retno Marsudi bilen bolan duşuşygyndan soň metbugata beýannama berdi.
Owganystanda başdan geçirilýän soňky wakalar bilen ýakyndan gyzyklanýandyklaryny nygtan Çawuşoglu, “Öňümizdäki günlerde käbir ýurtlaryň daşary işler ministrleri bilen birlikde Owganystanyň paýtagty Kabula gitmegi meýilleşdirýäris. Retno bilen bu meseläni Nýu-Ýorkda ara alyp maslahatlaşypdyk. Dost we doganlyk beýleki ýurtlaryň ministrleri hem bu pikire goldaw berdi” diýdi.