Edebiýat boýunça Nobel baýragynyň eýesi, asly ýaponiýaly iňlis ýazyjysy Kadzuo Isiguro indiki romanynyň Klara we Gün (Klara and the Sun) ady bilen neşir ediljekdigini mälim etdi.Bu barada ýazyjynyň şertnama baglaşan Faber & Faber neşirýatyna salgylanyp, The Guardian gazeti ýazýar.
Täze romany 2021-nji ýylyň mart aýynda neşir etmek meýilleşdirilýär.ABŞ-da bu kitaby neşir etmek işleri bilen Knopf Doubleday neşirýat topary meşgullanar.Klara we Gün romany Isiguronyň 2017-nji ýylda Nobeliň edebiýat boýunça baýragyny alanyndan bäri ilkinji kitaby bolup durýar. Ýazyjynyň öňki (The Buried Giant) eseri 2015-nji ýylda neşir edilipdi.
Diňe Nobel baýragynyň däl, eýsem, Booker baýragynyň hem eýesi bolan Kadzuo Isiguronyň romanlary dünýäniň 50-den gowrak diline terjime edildi. Knopf Doubleday neşirýatynyň habaryna görä, onuň Günüň galyndylary (The Remains of the Day, 1989) we Hiç haçan meni goýberme (Never Let Me Go, 2005) ýaly iň meşhur iki eseriniň hersi 2 milliondan gowrak nusga bilen satyldy.