Owganystanyň Içeri işler ministrliginiň metbugat sekretary Taryk Arýen metbuagata beren beýanatynda, Kabul şäherinde we etraplarynda wagtlaýyn häsýetde motosikl ulanylmagynyň gadagan edilendigini mälim etdi.
Ýagdaýyň Kabul şäheriniň käbir ýaşaýjylary üçin kynçylyk döretsede bu babatda halkyň howpsuzlyk güýçlerine goldaw bermegine garaşýandyklaryny aýdan Arýen, gadagançylyga gulak asmaýanlaryň motosiklleriniň ellerinden alynjakdygyny aýan etdi.
Bu gadagançylygyň näme sebäpli kabul edilendigi aýan edilmesede, artan howpsuzlyk aladalary sebäpli ýola goýulandygy çak edilýär.
Owganystanda parahatçylyk tapgyry näbelli bolmaga dowam edýär.
Taliban 21-nji iýunda ýurdyň demirgazygyndaky Balh welaýatynyň Döwletabada, Şolgere we Kişindeh etraplaryny basyp alypdy.
Ýurdyň demirgazygyndaky Balh we Samangan welaýatlarynda 2 etrabyň gözegçiligi 20-nji iýunda Talibanyň gözegçiligine geçipdi.
Soňky 2 aýda Talibanyň gözegçiligi astyna geçen etraplaryň sany 40-den geçdi.
BMG tarapyndan berilýän maglumata görä, Taliban ýurdyň territoriýasynyň 50-70 göterim aralygyny öz gözegçiliginde saklaýar.