ABŞ-nyň Prezidenti Jozef Baýden çarşenbe güni ýurduň Miçigan ştatyna eden sapary wagtynda elektrik ulaglary öndürýän Ford zawodyna baryp gördi. Amerikan Lideri täze elektrik awtoulagyny barlap görmeklik kararyna geldi we şu maksat bilen ulagy özi sürüp gördi.
Ford zawody çarşenbe güni 19-njy maýda, F-150 Lighting elektrik awtoulagyny resmi taýdan hödürledi. Bu awtoulag iň köp satylan pikapyň doly elektrik görnüşidir.
Baýden F-150 Lighting atly elektrik awtoulagy bilen syýahatyndan we ulagyň mümkinçiliklerinden hoşaldygyny aýtdy. Şeýle-de, bu elektrikli awtoulagyň örän ýokary tizliklidigini we ony özi üçin satyn aljakdygyny dile getirdi.