Angliýada dowam edýän zenanlaryň arasyndaky futbol boýunça Ýewropa çempionatynda rekord netije hasaba alyndy. Ýer eýeleri Angliýanyň ýygyndysy toparçadaky 2-nji duşuşygynda ýaryşyň 2 gezek çempiony Norwegiýanyň derwezesinden jogapsyz 8 gol geçirip, garşydaşyny derbi-dagyn etdi.
Eýýäm 1-nji ýarymda 6 gol geçiren iňlisleriň gollaryny Stenweý (12 p), Hemp (15), Waýt (29, 41), Mid (34, 38, 61) hem-de Russo (66) derwezä girizdi.Bu netije ýaryşyň iň uly hasaply ýeňşi hökmünde hasaba alyndy.
Mundan öňki rekord hem Angliýa degişli bolup, olar 2017-nji ýylda Şotlandiýany 6-0 ýeňipdi. Şol bir wagtyň özünde bu duşuşyk çempionatyň iň köp gol geçirilen duşuşyk rekordyna hem şärik boldy. 2009-njy ýylda GermaniýaAngliýa duşuşygy 6-2, 2005-nji ýylda NorwegiýaItaliýa duşuşygy-da 5-3 hasabynda tamamlanypdy.
Toparçada Angliýanyň ýygyndysy 11-nji duşuşygynda Awstriýany 1-0, Norwegiýa Demirgazyk Irlandiýany 4-1 ýeňipdi.