ABŞ-nyň Prezidenti Jo Baýden Nýu-Ýorka guran saparynda metbugat işgärleriniň gün tertibiniň ileri tutulýan ugurlary bilen bagly soraglaryna jogap berdi.
Jo Baýden Gazada haçan ot açmazlyk baradaky ylalaşygyň ýola goýuljakdygy bilen bagly soraga: "Hepdäniň ahyryna çenli ýola goýular diýip umyt edýärin. Milli howpsuzlyk boýunça maslahatçym netijelenip barýandygyny aýtdy, emma entek tamamlanmady. Duşenbe gününe çenli Gazada ot açmazlyk baradaky ylalaşyk ýola goýular diýip umyt edýärin" diýip jogap berdi.
Ysraýylyň sebite 7-nji oktýabrdan bäri guraýan hüjümlerinde aglabasy çaga bolan 30 müňe golaý palestinaly ýogaldy.