Meşhur aňtawçy Jeýms Bond barada täze filmiň prodýuseri Barbara Brokkoli “Variety” gazetine beren interwýusynda britan aňtawçysynyň keşbine esasy dalaşgärleri tanyşdyrdy.
Häzir bu keşbe aktýorlar Tom Hardi, Idris Elba we Genri Kawill kastingden geçýärler. Golaýda bolsa olaryň hataryna 24 ýaşly aktýor Jeýkob Elordi hem goşuldy, ol “Eýforiýa” (Эйфория) serialy boýunça kino muşdaklaryna tanyşdyr.
Geçen ýyl 007 belgili aňtawçy baradaky filmler tapgyrynyň “Ölmegiň wagty däl” (Не время умирать) atly bölümi ekranlara çykdy, ol aktýor Deniel Kreýg üçin bu tapgyrda bäşinji we iň ahyrky keşp boldy. Jeýms Bonduň keşbinde Kreýg ilkinji gezek 2006-njy ýylda “Roýal kazinosy” (Казино Рояль) atly film bilen çykyş etdi. Bu barada MIR24 ýazýar.