NBA-da super ýyldyz LeBron Jeýms utuk sany boýunça rowaýaty basketbolçy Maýkl Jordondan öňe geçdi.Jeýms topary “Los Anjeles Leýkersiň” öz meýdançasynda “Denwer Naggetsden” 115-99 asgyn gelen duşuşygynda 31 utuklyk netije görkezdi. Şeýlelikde, bu oýundan soň, utuk sanyny 32311-e ýetiren Jeýms 32292 utukly Jordondan öňe saýlandy. Ýeri gelende aýtsak, soňky duşuşyklary-da hasaba alanyňda, super ýyldyzyň utuklarynyň sany 32439-a ýetdi.
Häzirlikçe bu ugurda Karim Abdul-Jabbar 38387 utuk bilen 1-nji hatarda barýar. 2-nji ýerdäki Karl Malounyň 36928, 3-nji orundaky Kobi Braýantyň 33643 utugy bar. Germaniýaly basketbolçy Dirk Nowitski hem topary “Dallas Maweriksiň” “Nýu Orleans Pelikansy” 129-125 hasaby bilen ýeňen oýnunda klubuna 8 utuklyk goşant goşdy.
Ol bu utuklardan soň, umumylykda olaryň sanyny 31427-ä ýetirip, Wilt Çemberleýni yzda galdyrdy we 6-njy orna beýgeldi.