ABŞ-nyň Milli Howpuzlyk boýunça maslahatçysy Jeýk Salliwan metbugat ýygnagynda köpçülikleýin habar beriş serişdeleriniň işgärleriniň soraglaryna jogap berdi.
Salliwan: "Ruslara Prezident Jo Baýdeniň Kiýewe sapar gurap biljekdigi barada maglumat berdik. Ony Güýçleriň ygtybarly bölünmegi maksady bilen Prezident Jo Baýdeniň ýola çykmadan birnäçe sagat ozal ýerine ýetirdik" diýip habar berdi.
Jeýk Salliwan Russiýanyň şol berilen maglumata bolan reaksiýasy barada bolsa jikme-jik maglumat bermedi.
Beýleki tarapdan Jeýk Salliwanyň esasan hem uly ýadro güýçleriň arasynda islenmeýän çaknyşyklaryň öňüniň alynmagy manysyny berýän Güýçleriň ygtybarly bölünmegi sözlemini ulanmagy ünsleri özüne çekdi.
ABŞ-nyň Prezidenti Jo Baýden, Polşa sapar guramadan ozal garaşylmadyk ýagdaýda Ukrainanyň paýtagty Kiýew şäherine sapar gurapdy.
Jo Baýden Ukrainanyň Prezidenti Wladimir Zelenskiý bilen geçiren duşuşygyndan soň bolan umumy metbugat ýygnagynda, Ukraina üçin 500 million dollarlyk täze harby kömek bukjasyny beýan etdi.