Italiýanyň metbugatynda berilen habarlara görä, Mestre şäherinden Marghera şäherine tarap ýola çykan ýolagçy awtobus entek anyklanyp bilinmedik sebäp bilen geçelgeden geçýän mahaly ýoldan çykyp, aşak gaçdy.
Awtobusyň takmynan 15 metr beýiklikdäki geçelgäniň aşagyndan geçýän demir ýola gaçandygy we aşak gaçanyndan soň ýanmaga başlandygy habar berildi.
Wenesiýa gubernatorlygyndan berilen beýanata görä, wakada ilkinji kesgitlemelere görä 21 adam ýogaldy, 12 adam ýaralandy. 4-5 adamyň hem dereksiz ýitendigi mälim edildi.
Wenesiýanyň häkimi Luigi Brugnaro Rainews24 kanalyna beren beýanatynda, uly tragediýanyň başdan geçirilendigini belläp, ýogalanlaryň aglabasynyň daşary ýurtlydygyny we wakanyň bolan ýerinde Ukraina degişli pasportlary tapandyklaryny beýan etdi.
Wakadan soň Italiýanyň Prezidenti Serjio Mattarella Wenesiýanyň häkimi Luigi Brugnaro jaň edip, waka barada maglumat alandygy habar berildi.