Ispaniýanyň Kastelon we Teruel şäherleriniň arasynda ýüze çykan we eýýäm 5 gün bäri dowam edýän tokaý ýangynlary ýeliň hem täsiri bilen entek gözegçilik astyna alynyp bilinmedi.
Ýangyn 4 müň gektardan gowrak tokaý zolagyny küle öwürdi, ewakuasiýa edilen 1500 adamyň entegem öýlerine gaýdyp baryp bilmeýändigi habar berildi.
Takmynan 40 ind km meýdanda täsirli bolan we sebitdäki ençeme oba täsir ýetiren ýangyn sebäpli şeýle hem köp sanda iri we ownuk şahly malyň ýataklarynda galandygy mälim edildi.
Ýangynyň täsir ýetiren Montan obasynyň ýolbaşçysy Sergio Fornas Ispaniýanyň metbugatyna beren beýanatynda: "Sebitimizde takmynan 200 adam ewakuasiýa edildi. Her kimde alada we näbellilik bar. Ýeliň täsiri bilen ýangynyň oba indi bolsa başga tarapdan täsir ýetirmek howpy bar. Ýanmadyk az ýer galypdy, ol ýerler hem kül bolup biler" diýip belledi.
Gözegçilik astyna alynyp bilinmeýän ýangyny söndürmek işlerine 18 uçar bilen gury ýerden 420 adamdan ybarat topar gatnaşýar.
Beýleki tarapdan bolsa Ispaniýanyň premýer ministri Pedro Sançes sebite baryp, resmilerden maglumat aldy.
Metbugata beren beýanatynda: "Bu ýangyn howanyň çalşygy barada duýduryş berýär" diýip aýdan Pedro Sançes, hökümet hökmünde ileri tutýan ugurlarynyň howanyň çalşygynyň täsirine garşy göreş alyp barmak we raýat goranyş ulgamyny güýçlendirmekden ybarat boljakdygyny habar berdi.
Pedro Sançes ýangyn sebäpli zyýan çeken adamlara her dürli goldawyň beriljekdigi barada söz berdi.