UEFA-nyň Milletler ligasynyň toparçalaýyn duşuşyklarynyň 6-njy tapgyrynyň çäginde Ispaniýanyň milli ýygyndysy Germaniýanyň ýygyndysyny kabul etdi. Duşuşyk Sewilýa şäherindäki Olimpiko de Sewilýa — La Kartuha stadionynda geçdi we ýer eýeleriniň peýdasyna 6:0 hasap bilen tamamlandy.
Ispaniýanyň düzüminde gol geçirenler: Alwaro Morata, Rodrigo Ernandes, Mikel Oýarsabal we Ferran Torres (het-trik). Şeýlelikde, Ispaniýanyň ýygyndysy 11 utuk toplap, UEFA-nyň Milletler ligasynyň final tapgyryna çykdy. Germaniýanyň milli ýygyndysy (9) — 2-nji orunda galýar. Ýygyndylaryň topar boýunça bäsdeşleri Ukraina (6) bilen Şweýsariýanyň (3) duşuşygy ukrain toparynyň düzüminde koronawirus ýokanjynyň ýüze çykarylmagy sebäpli ýatyryldy.