Birleşen Arap Emirlikleriniň özboluşly jaý toplumlarynyň üstüni ýene-de bir täsin desga doldurar. “Gulf News” gazetiniň habaryna görä, bu sapar Dubaýda daşyndan seredeniňde “Apple” kompaniýasynyň meşhur saz pleýeri “iPod”-y ýadyňa salýan “akylly” ýaşaýyş jaýy peýda bolar.
Gonkongyň “James Law Cybertecture” kompaniýasynyň inženeri Jeýms Lou tarapyndan taslanan “The Pad”-yň adyna eýe bolan 26 gatly jaý Dubaýyň merkezindäki biznes aýlagynda ýerleşýär.Kompaniýanyň saýtynda bellenilişine görä, bu taslama tehnologiýanyň iň soňky gazananlaryny ulanmak arkaly binagärligiň täzeçil ugurlaryny öz içine alyp, binanyň ýaşaýjylary otaglaryny öz zerurlyklaryna görä meýilleşdirip bilerler.Habar berlişine görä, binanyň içindäki ähli otaglar elektron gulplar, ses bilen dolandyryş enjamlary we özboluşly aýnalar bilen üpjün edilip, ýaşaýjylaryň eşretli durmuşy üçin ähli mümkinçilikler dörediler.
Bu binanyň ilkinji ýaşaýjysy eýýäm şu ýylyň dowamynda täze bina göçüp geler.Dubaý özboluşly binagärlik desgalary bilen syýahatçylaryň ünsüni özüne çekýär.Mysal üçin, Dubaýdaky 828 metr belentlikdäki iň beýik gökdirän “Borje-Halifa”, meýdany 3,96 million inedördül metre deň bolan “Dubaý moll” atly iri söwda merkezi, iň uly surat çarçuwasy (150 metr), 75 gatly dünýäniň iň beýik myhmanhanasy (256 metr) we beýlekiler köpleri haýran galdyrýar.