Golaýda Fransiýada “iPhone 12”-leriň satuwy gadagan edilipdi. Ýurtda Elektron enjamlaryň ýaýradýan tolkunlarynyň güýjüne gözegçilik edýän Milli tolkun agentligi (ANFR) jemi 141 telefon modelinde geçirilen barlagda “iPhone 12”-leriň hem radiasiýa mukdarynyň ýokarydygynyň anyklapdy. Şeýlelikde, bu telefonlaryň satuwy wagtlaýyn togtadylyp, öndüriji kompaniýadan täzelenmesini ýaýratmagy talap edilipdi. “Apple” kompaniýasy hem gyssagly täzelenme ýaýratjakdygyny mälim edipdi. “Apple”-iň täzelenmesini synagdan geçiren fransuz ygtyýarlylar ony tassyklady. Şeýlelikde ýurtda “iPhone 12”-leriň satuwynyň gaýtadan başlanmagyna garaşylýar.
“Apple”-iň “iPhone 12”-ler üçin ýaýradan täzelenmesiniň başga haýsy ýurtlarda elýeterli boljakdygy mälim edilmedi.