Italiýanyň “Inter” topary düzümine 2 futbolçyny kärendesine goşdy. Milan şäheriniň wekili sebitdeşi “Monza” toparyndan brazliýaly goragçy Karlos Augustony transfer etdi. 24 ýaşyndaky oýunçy 1 ýyllyk kärendesine şertnama baglaşdy. “Inter” oýunçynyň kärende tölegi hökmünde “Monza” klubuna 4,5 million ýewro berer. “Inter” topary möwsümiň ahyrynda-da 13 million ýewro berip ymykly transfer etmäge-de hukugy bar.
* * *
Milan şäheriniň wekili “Inter” Augustodan soň “Bolonýanyň awstriýaly ýyldyzy Marko Arnautowiçi hem kärendesine düzümine goşdy. 34 ýaşyndaky hüjümçi milanlylar bilen 1 ýyllyk kärendesine şertnama baglaşdy. “Inter” topary Arnautowiçi möwsümiň ahyrynda ymykly transfer etmek isleseler 8+2 million ýewrony “Bolonýa” bermeli bolar. Arnautowiç 2009/10 möwsüminde-de “Interde” 3 oýunda meýdança çykypdy.
* * *
“Milan” topary Argentinanyň “Platense” toparyndan 21 ýaşyndaky goragçy Marko Pellegrinony transfer etdi. “Milan” ýaş goragçy üçin argentin klubuna 7 million ýewro berer. Geçen möwsüm “Platense” toparynda 17 oýunda meýdança çykan Pellegrino 1 gol geçirdi.
* * *
Şeýle-de “Milan topary 2 sap gapdalky wingerini klubdan ugratdy. “Rosseneri”-ler belgiýaly ýarymgoragçysy Şarl de Ketelareni “Atalanta” toparyna kärendesine berdi. 22 ýaşyndaky oýunçy bergamolylar bilen 1 ýyllyk şertnama baglaşdy. “Atalanta” topary Ketelareniň kärende tölegi hökmünde “Milana” 3 million ýewro berer.
Möwsümiň ahyrynda-da satyn almak islese 22+4 million ýewro berip, ymykly öz düzümine-de geçirip biler.Geçen tomsuda “Klub Brýuggeden” 28 million ýewro “Milana” transfer bolan De Ketelare köpüsinde ätiýaçdan oýna girip, 40 duşuşyk geçirdi.
* * *
“Milan” kluby braziliýaly wingeri Junior Messiasy hem “Jenoa” toparyna kärendesine iberdi. 32 ýaşyndaky 2 möwsüm “Milanda” çykyş edip, ol 68 oýunda 12 gol geçirdi. Ol “Milandan” öň “Krotone” toparynda oýnaýardy.