Milan şäheriniň Inter kluby Italiýanyň Kubogynyň final oýnunda Florensiýa şäheriniň Fiorentina toparyndan üstün çykdy.
Rim şäherindäki Olimpiýa stadionynda oýnalan duşuşyk 2:1 hasabynda milanlylaryň peýdasyna tamamlandy.
Ýeňiş gazanan toparyň iki goluny hem Lautaro Martines (29, 37) öz adyna ýazdyrdy. Fiorentinanyň düzüminde bolsa Nikolas Gonsales (3) tapawutlandy.
Şeýlelikde, Inter bassyr ikinji gezek Italiýanyň Kubogyna mynasyp boldy. Topar geçen ýyl bu ýaryşyň finalynda goşmaça wagtda Ýuwentusy 4:2 hasabynda ýeňlişe sezewar edip, Kuboga eýe çykypdy.
Ýeri gelende bellesek, Inter üçin bu möwsümde ýene bir kubok gazanmaga mümkinçilik bar. Has takygy, Simone Inzagiden tälim alýan topar 10-njy iýunda Stambul şäherinde geçiriljek ÝÇL-iň finalynda Mançester Siti bilen güýç synanyşar.