UEFA Çempionlar ligasynda toparçalardaky 2-nji
duşuşyklarda 45 gol geçirildi. 1 oýun golsuz tamamlanyp, jemi 5 duşuşyk deňlikde gutardy. 7 oýunda
ýer eýeleri, 5 duşuşykda-da myhmanlar üstün
çykdy. 4 topar bilen wekilçilik edýän
ýurtlardan Angliýanyň ähli kluby-da bu tapgyrda uly hasaply ýeňiş gazandy. Olar
1-nji tapgyry-da ýeňlişsiz tamamlapdylar (3
ýeňiş, 1 deňlik).
Ispanlaryň 3 kluby ýeňiş gazanyp, birisi
deňme-deň oýnady. Nemes toparlary bolsa, 2 ýeňiş,
1 deňlik hem-de 1 ýeňliş bilen tapgyry tamamladylar. 1-nji tapgyrda 3 ýeňiş
gazanan italýan toparlary 2-nji tapgyrda ýeňiş
gazanyp bilmediler. Olaryň 3 topary deňme-deň
oýnap, ýurduň çempiony “Ýuwentus” bolsa, ýeňlişe sezewar boldy. 3 klub bilen gatnaşýan fransuzlarda 1 ýeňiş bar bolsa, ruslaryň 3 topary-da
garşydaşlaryndan asgyn geldi.
“Real Madride” ýeňiş gazanmak ýene-de başartmady
“A” toparçada “Bawariýa” myhmançylykda “Lokomotiw” 21 hasabynda ýeňip, ýaryşdaky bassyr 12-nji ýeňşini gazandy. “B” toparçada kubogy iň köp eýelän “Real Madrid” bu tapgyrda-da ýeňiş gazanyp bilmedi. “Borussiýa M” topary bilen
duşuşan ispanlar soňky 5 minutda 2 gol geçirip ýeňlişden halas boldular. Şeýle wakany “Real Madrid” 8-nji gezek başdan geçirýär. Toparyň fransuz hüjümçisi Karim Benzemanyň şu ýaryşyň
çäginde gol geçiren klublarynyň sany 30-a ýetip, ol bu babatda
Messidir Ronaldo we
Rauldan soň 4-nji ýerde barýar. “C” toparçada
çempionlygyň dalaşgärlerinden “Mançester Siti” bu
tapgyrda-da 3 utugy 3 golly ýeňiş bilen gazandy. “Marseli” 30 hasabynda ýeňen Guardiolanyň
şägirtleri 6 utuk
toplady.
10000-nji gol
“D” toparçada “Liwerpul” 2-nji ýeňşini gazandy.
Öz meýdançasynda liganyň täze toparlaryndan “Midtýullanny” Žota we Salahyň gollary bilen 2-0 ýeňen “Liwerpul” säwliksiz barýar. Portugaliýaly Diogo Žotanyň geçiren
pökgüsi “Liwerpulyň” taryhyndaky (resmi duşuşyklarda) 10000-nji gol hökmünde hasaba alyndy. “Atalanta” bilen “Aýaksyň”
arasyndaky oýunda myhmanlar 2-0 öňe saýlansa-da, italýan toparynyň kolumbiýaly hüjümçisi Duwan Zapata 2-nji ýarymda 2
gol geçirip, Atalantany
ýeňlişden halas etdi. “E” toparçada Çelsi myhmançylykda
Krasnodardan 4-0
üstün çykdy. “Sewilýa” klubuna öz mýedançasynda “Renn” toparyny utmak üçin De Ýonguň
ýeke-täk goly ýeterlik boldy. “F” toparçada Dortmundyň “Borussiýasy” “Zeniti” Sanço we Hollannyň gollary bilen 20 hasabynda ýeňip, şu
möwsümdäki ilkinji ýeňşini gazandy.
“G” toparçada tapgyryň
merkezi oýnunda “Ýuwentus” bilen “Barselona” duşuşdy. Ronaldosyz meýdança çykan “Ýuwentus” güýçli garşydaşyndan 2-0 asgyn geldi. Katalonlara ýeňiş getiren gollary Dembele
(14) bilen Lionel Messi (90+1) derwezä girizdi.
Oýunda 1 oýunçysy (Merih Demiral) gyzyl kart
alan “Ýuwentusyň”
ispaniýaly hüjümçisi Alwara Moratanyň geçiren 3 goly oýundan
daşardaky ýagdaýda bolany sebäpli hasaba alynmady. Myhmançylykda “Ferenswaroş” bilen duşuşan Kiýewiň “Dinamosy” 2-0 öňe saýlansa-da,
üstünligini saklap bilmedi. Ýer eýeleriniň soňky minutlarda hasaby
deňlemeginden soň, myhmanlar 1 utuk bilen
oňňut etmeli boldular.
“H” toparçada “Mançester Ýunaýted” öz meýdançasynda “Leipsigiň” derwezesinden jogapsyz 5 pökgi girizdi.
Gollaryň 3-sini 63-nji minutda oýna giren Markus
Reşford öz adyna ýazdyrdy. Ol bu ýaryşda het-trik eden 6-njy “ýunaýtedli” futbolçy boldy. PSŽ bolsa myhmançylykda “Istanbul
Başakşehirden” Moýza
Kiniň gollary bilen 2-1 üstün çykdy.
Toparçalardaky 3-nji duşuşyklar geljek
hepdäniň 2-3-nji
günleri, has takygy, 3-4-nji noýabrda oýnalar. Şeýlelikde, taryhda ilkinji gezek
Çempionlar ligasynyň toparçalaýyn tapgyrynda 3 duşuşyk
yzly-yzyna oýnaldygy bolar.
“A”: “Lokomotiw”“Bawariýa”: 1-2 (Mirançuk 70
Goreska 13, Kimmih 79)
“A”: “Atletiko”“RB Salsburg”: 3-2 (Llorente 29,
Žoao Feliks 52, 85 Soboslai 40, Felipe 47 ö.d.)
“B”: “Borussiýa M”“Real Madrid”: 2-2 (Turam 33,
58 Benzema 87, Kasemiro 90+3)
“B”: “Şahtýor Donesk”“Inter”: 0-0
“C”:
“Porto”“Olimpiakos”: 2-0 (Wieira 11, Oliweira 85)
“C”: “Marsel”“Man.
Siti”: 0-3 (Torres 18, Gündogan 76, Sterling 81)
“D”: “Liwerpul”“Midtýullann”: 2-0 (Žota 55, Salah
90+3 p)
“D”: “Atalanta”“Aýaks”: 2-2 (Zapata 54, 60
Tadiç 30 p, Traore 38)
“E”: “Krasnodar”“Çelsi”: 0-4 (Hudson-Odoi 37,
Werner 76 p, Ziýeş 79, Pulişiç 90)
“E”: “Sewilýa”“Renn”: 1-0 (Luuk de Ýong 55)
“F”: “Borussiýa D”“Zenit”: 2-0 (Sanço 78 p,
Hollann 90+1)
“F”: “Klub Brýugge”“Lasio”: 1-1 (Wanaken 42 p
Korrea 14)
“G”: “Ýuwentus”“Barselona”: 0-2 (Dembele 14,
Messi 90+1 p)
“G”: “Ferenswaroş”“Dinamo K”: 2-2 (Nguen 59, Boli
90 Sygankow 28 p, De Pena 41)
“H”: “Istanbul BŞ”PSŽ: 0-2 (Moýza Kin 64, 79)
“H”: “Man. Ýunaýted”“Leipsig”: 5-0 (Grinwud 21,
Reşford 74, 78, 90+2, Marsial 87 p)