Ilkinji gezek resmi ýagdaýda duşuşan “Ýuwentus” bilen “Tottenhemiň” arasyndaky oýnuň eýýäm 2-nji minutynda Gonzala Higuain ýer eýelerini öňe saýlady. 7 minutdan soň, argentinaly hüjümçi penaltini dürs urup, ýene bir gezek tapawutlandy we hasaby 20-a çykardy. Şondan soň, hüjümlerini ýygjamlaşdyran myhmanlaryň ezber hüjümçisi Harri Keýniň 26-njy minutdaky kelle urgusyny Buffon sowmagy başardy. Ýöne 35-nji minutda Keýn derwezeçini-de aldap, hasaby 21-e ýetirdi.
Bu “Ýuwentusyň” 2018-nji ýyla geçip, toruna goýberen ilkinji goly boldy. 1-nji ýarymyň ahyrynda germaniýaly emin Feliks Bryh ýene bir sapar ýer eýeleriniň peýdasyna penaltini belledi.Emma Higuain het-trik etmek mümkinçiliginden ýerlikli peýdalanyp bilmedi.
Top ýokarky sütüne degip, yzyna gaýtdy. 2-nji ýarymda-da iki topar, aýratynam, myhmanlar has üstünlikli çykyş etdi. 72-nji minutda jerime meýdançasynyň golaýynda bellenen erkin urgudan Kristian Eriksen hasaby deňledi.
Bu duşuşykdaky soňky gol boldy.Şol günki beýleki oýunda “Bazel” myhmançylykda “Mançester Sitini” kabul etdi.Oýnuň 25 minudy dolmanka, iňlis topary 3 gol geçirdi. 14-nji minutda Ilkaý Gündogan, 18-nji minutda Bernardo Silwa, 23-nji minutda-da Serjio Aguero tapawutlandy. 2-nji ýarymda-da, has takygy, 53-nji minutda Ilkaý ýene bir pökgini şweýsar toparynyň derwezesinden geçirdi (40).
Toparynyň 3-nji topuny öz adyna ýazdyran argentinaly Serjio Agueronyň 2018-nji ýyla geçip, tora salan gollarynyň sany 14-e ýetdi. 11 oýunda muny başaran Agueronyň bu görkezijisine heniz Ýewropanyň TOP5 ligasynda ýeten oýunçy ýok.Başga bir iňlis topary “Liwerpula” myhmançylykda “Portodan” üstün çykmak juda ýeňil düşdi.
Başdanaýak “Liwerpulyň” üstünliginde geçen oýunda iňlis topary 50 hasabynda ýeňşini baýram etdi. “Liwerpulyň” gollarynyň 3-sini Sadio Mane, beýlekileri-de Mohamed Salah bilen Firmino geçirdi. 29-njy minutda owadan gol geçiren Mohamed Salah şu möwsümdäki 30-njy pökgüsini tora girizdi.
Ol “Liwerpulyň” taryhynda Luis Suaresden soň, bir möwsümde 30 gola ýeten 2-nji futbolçy diýlip hasaba alyndy. Ýürgen Kloppuň şägirtleri Çempionlar ligasynyň çäklerinde pleý-off tapgyrynda myhmançylykda iň uly hasap bilen ýeňen iňlis topary boldy.
Ondan öň, bu rekord bir gün ozal “Bazeli” 40 hasabynda utan “Mançester Sitä” degişlidi.“REAL” BU ÝARYŞDA BAŞGAÇAÄhli futbol janköýerleriniň diýen ýaly sabyrsyzlyk bilen tagapyl eden oýny “Real Madrid”PSŽ duşuşygy garaşylanyna degdi.
Ronaldo bilen Neýmaryň “El Klasikodan” daşgary garşylykly nähili oýun görkezjekdigi köpleri içgin gyzyklandyrýardy.Iki tarapyň hem hüjümler bilen başlanan oýnunda ilkinji bolup hasaby myhmanlar açdy.Sag gapdaldan geçirilen hüjümden soň, jerime meýdançasynyň içine giren dessine jaýdar uran fransiýaly ýarymgoragçy Adrien Rabio myhmanlary öňe saýlady. 1-nji ýarymyň iň soňky minutlarynda emin Jianluka Rokki 11 metrlik jerime urgusyny belledi.
Ony-da Ronaldo dürs urup, hasaby deňledi.Ikinji ýarymda-da ýer eýeleri, myhmanlar gezekleşip hüjüm baryny etdiler.Ilki Beýli, oýnuň tamamlanmagyna 11minut galanda-da, Asensiodyr Waskesi oýna salan Zinedin Zidanyň bu göçümleri öz oňyn netijesini berdi.
Munuň tersine, deňme-deňlige razy bolan Unaý Emeri 66-njy minutda Kawanini çykaryp, ýerine sag gyraky goragçy Moýneri meýdança girizdi.Netijede, Asensionyň uly goşandy bilen 83-nji minutda Ronaldo, 86-njy minutda-da Marselo tapawutlanyp, toparyna ýeňiş getirdi. 31 hasabynda ýeňşini baýram eden “Real Madrid” häzirki wagtda “La Ligada” pesräk çykyş edýänem bolsa, Çempionlar ligasynyň özleri üçin başgaçadygyny ýene bir ýola subut etdi. Ýöne jogap duşuşygynyňam bardygyny ýatladýarys.
RONALDO 118 TOPARYYZDA GALDYRDYBu oýunda PSŽ-niň derwezesini 2 gezek sarsdyran Ronaldo käbir rekord görkezijilerini täzeledi.Onuň Çempionlar ligasyndaky gollarynyň sany 116-a ýetip, bu ugurdaky iň esasy bäsdeşi Messiden 19 pökgi öňe saýlandy. Şeýle-de ol Çempionlar ligasynda bir toparyň köýnekçesi bilen 100-den köp gol geçiren ilkinji futbolçy boldy.
Ol “Realyň” düzüminde 101 gezek tapawutlandy. Şu möwsümdäki 11-nji goluny-da (7 oýunda) salan Ronaldo yzly-yzyna 7 möwsümde azyndan 10 pökgi geçiren ilkinji futbolçy diýen derejä hem ýetdi.
Galyberse-de, 5-nji fewralda 33 ýaşyny dolduran super ýyldyz geçiren 116 goly bilen Çempionlar ligasynda häzirki wagta çenli çykyş eden 137 klubuň 118-sini yzda galdyrdy.