Geçen hepdäniň anna güni prokata çykan “Ar alyjylar: müdimilik urşy” (Avengers: Infinity War) filmi ilkinji hepdesinde, has takygy, ilkinji 3 günde esasy rekordlary täzeledi.Film Demirgazyk Amerikanyň prokatlarynda iň şowly başlangyç gazanan ekran eseri boldy.
Doganlar Russolaryň režissýorlyk eden kinosy 258 million dollar gazanyp, Demirgazyk Amerikanyň rekordyny täzeledi.Ozalky rekord 248 million dollar bilen “Ýyldyz söweşleri: güýç oýanýar” (Star Wars: The Force Awakens, 2015) filmine degişlidi.
Golliwudyň 30-a golaý ýyldyzyny özünde jemleýän “Ar alyjylar: müdimilik urşy” ilkinji hepdesinde tutuş dünýä prokatlaryndan 640,5 million dollar toplap, geçen ýylky “Forsaž 8” (The Fate of the Furious, 2017) filminiň 542 million dollarlyk rekordyny hem täzelemegi başardy. “Marvel” kompaniýasynyň önümi bolan bu ekran eseri Hytaýyň prokatlarynda görkezilip başlananyndan soň, girdejisini has hem artdyrar.
Bilermenler ýylyň iri taslamasy bolan bu kinonyň 2 milliard dollardanam köp girdeji gazanmagyna garaşýarlar.Film ilkinji 7 günüň netijesi boýunça 858 million dollara golaý kassa ýygymyny toplady.