ABŞ-nyň ozalky birinji hanymy Mişel Obamanyň “Emele geliş” atly awtobiografik eseri okyjylaryň arasynda iňlis ýazyjysy Erika Leonard Jeýmsiň “Çalyň 50 öwüşgini” atly eserinden hem uly meşhurlyk gazandy.
Maglumatlara görä, geçen 7 ýylyň dowamynda “Çalyň 50 öwüşgininden” köp satylan kitap bolmandyr. 2018-nji ýylyň noýabr aýyndan bäri, Mişel Obamanyň “Emele geliş” atly kitaby “Amazon” internet dükanynyň satuw reýtinginiň başyny çekýär.
Häzirki wagtda bu kitabyň 3,4 million nusgasy satylypdyr.Maglumatlara görä, Mişel Obamanyň eseri, çap edilen gününden soň, bir hepdäniň dowamynda 1,4 million nusgasy satylypdyr.Hatda “Penguin Random House” neşirýaty bu kitapdan ýene-de çap etmeklerini isläp, gyssagly sargyt etmäge mejbur bolupdyr. Çünki, Roždestwo baýramçylygy döwründe bu kitap dükanlaryň ählisinde satylyp gutaran eken.
Indi köp ýyllardan bäri Erika Leonard Jeýmsiň “Çalyň 50 öwüşgini”, amerikan ýazyjysy Dan Brawunyň “Da Winçiniň kody”, nemes ýazyjysy Ekhart Tolleniň “Täze Ýer durmuş maksatlaryňy ýüze çykarmak”, britan ýazyjysy Joan Roulingiň “Garri Potter” ýaly eserleri satuwy boýunça “Amazon”-yň sanawynda uzak wagtlap öňdeligi eýeläp gelýärler.