1957-nji ýyldan bäri geçirilip gelinýän Afrika Milletler kubogynda iň köp çempion bolan topar Müsüriň ýygyndysydyr.Olar kubogy häzire çenli 7 gezek (1957, 1959, 1986, 1998, 2006, 2008, 2010) eýelemegi başardylar. Şeýle-de Kamerunyň 5 (1984, 1998, 2000, 2002, 2017), Gananyň 4 (1963, 1965, 1978, 1982), Nigeriýanyň 3 (1980, 1994, 2013) çempionlygy bar.
Kot-d’Iwuaryň (1992, 2015), Alžiriň (1990, 2019), Kongo DR-niň (1968, 1974) ýygyndylary 2 gezek çempion bolmagy başardy. 7 ýygyndy bolsa Zambiýanyň (2012), Tunisiň (2004), Sudanyň (1970), Efiopiýanyň (1962), Marokkonyň (1976), Günorta Afrikanyň (1996) hem-de Kongonyň (1972) milli toparlary yklymyň iň uly bäsleşiginde 1 gezek kubogy eýelediler.
Her 2 ýyldan geçirilýän ýaryş mundan ozal, gyş paslynda guralýardy. Şu çempionatdan başlap, ýaryş tomus paslynda geçiriler.Indiki çempionat 2021-nji ýylda Kamerun döwletinde guralar.