Arheologlar Peruda iň gadymy tans meýdançasyny ýüze çykardylar, onuň üstünden ýöräniňde, her ädim deprek gümmürdisi ýaly ses çykarýar. Meýdança häzirki Lima şäherinden 200 kilometr uzaklykda ýerleşýär. Ol miladydan öň, 1000-1400-nji ýyllarda gurlupdyr diýip çaklanylýar. Onuň inkler döwründe-de (1400-1532 ýý) ulanylan bolmagy ähtimal. Tans meýdançasynda däp-dessurlar bilen baglanyşykly çäreler guralypdyr.
Argentinadaky Buenos-Aýres uniwersitetiniň Medeniýet institutynyň arheology Kewin Leýniň sözlerine görä, meýdançada ýyldyrymdyr gök gümmürdisiniň hudaýynyň hormatyna däp-dessurlar berjaý edilipdir. Şunda aýak sesleri tebigy hadysalaryň gümmürdisini çykarypdyr, gadymy gurluşykçylar munuň üçin ýörite tehnologiýadan peýdalanypdyrlar. Meýdançada däp-dessur tanslaryny berjaý edýän birbada 26 adam ýerleşip bilipdir diýip, “Arkeonews” habar berýär.