“SpaceX” kompaniýasy bilen JSX awiakompaniýasy “Starlink” emeli hemralary arkaly internet hyzmatyny ýola goýmak boýunça ylalaşyk gazandylar. Şeýlelikde, awiaparkynda 100 töweregi uçary bolan JSX kompaniýasy “Starlink” emeli hemralaryndan peýdalanan ilkinji kompaniýa bolar.
Emeli hemra arkaly berilýän internet tölegsiz bolar. “SpaceX” kompaniýasynyň häzirki wagtda 2300 töweregi kiçi göwrümli emeli hemralary bar. Ýeriň aşaky orbitasynda aýlanýan bu enjamlar Ýer ýüzünde medeni zolakdan uzak ýerlerdäki ulanyjylary, şeýle hem howa gämilerini internet hyzmaty bilen üpjün etmek maksady bilen döredildi. “SpaceX” kompaniýasy bu emeli hemralaryň sanyny yzygiderli artdyrýar.
Kompaniýa geçen hepdäniň ahyrynda 53 sany hemrany uçurypdy.Olaryň jemi sanynyň 42 müňe ýetirilmegi meýilleşdirilýär.
Şadyýan Çarymyradow, Türkmen döwlet maliýe institutynyň talyby