EURO 2024-de çärýek finalda futbol janköýerlerine finala barabar duşuşyklar garaşýar. Esasanam grafikanyň çep tarapyndaky duşuşyklaryň ikisi-de wagtyndan öňki final oýunlary hasaplanýar. 5-6-njy iýulda oýnaljak çärýek final duşuşyklary 21:00-da hem-de 00:00-da başlanar. Duşuşyklaryň ikisinde-de iňlis eminleri jürlewük çalar. Ilkinji 2 ýarym finalçy şu gije belli bolar.
21:00-da Ştutgart şäherindäki “MHPArena” stadionynda ýaryşda 3 çempionlygy bolan 2 ýygyndy Ispaniýa bilen ýer eýeleri Germaniýa duşuşar. Duşuşyga angliýaly Antonio Teýlor eminlik eder. Bu olaryň özara 27-nji duşuşygy bolar. Mundan öňki 26 oýunda Germa
niýa 9, Ispaniýa 8 gezek ýeňiş gazandy. 8 oýun deňlikde tamamlandy.Gollarda 31-30 ispanlar öňde barýar.Olar Ýewropa çempionatynyň çäginde 1984-nji we 1988-nji ýyllarda toparçalarda hem-de 2008-nji ýylda finalda duşuşypdylar. 1-nji oýunda Ispaniýa 1-0 (Maseda 90), 2-nji oýunda Germaniýa 2-0 (Wölller 29, 51) hasaplar bilen ýeňipdi. 2008-nji ýylyň finalynda bolsa ispanlar Fernando Torresiň ýeke-täk goly bilen 1-0 hasabynda utup, 2-nji çempionlygyny baýram edipdi.