Meksikanyň Akapulka şäherinde geçirilen “Meksika Açyk” tennis ýaryşynda erkekleriň arasynda awstraliýaly Nik Kirios, zenanlaryň arasynda-da hytaýly Wan Ýafan ýeňiş gazandy.Nik Kirios finalda germaniýaly Aleksandr Zwerewi 2 setde (6:3, 6:4) utup, karýerasyndaky 5-nji çempionlygyna mynasyp boldy.
Zenanlaryň arasyndaky finalda-da hytaýly Wan Ýafan amerikaly Sofiýa Kenini 2:1 (2:6, 6:3, 7:5) hasabynda ýeňlişe sezewar etdi.Bu onuň ilkinji çempionlygydyr. Şeýle-de Braziliýanyň Sao Paulo şäherinde geçirilen “Braziliýa Açyk” tennis çempionatynda argentinaly Gido Pelýa ýeňiji boldy.
Ol finalda çilili Kristian Gariniden 2 setde 7:5 we 6:3 hasaplar bilen üstün çykyp, ilkinji ATP kubogyny asmana göterdi.