Tamamlanyp barýan Katar 2022 Dünýä Kubogynda şu gije ilkinji finalçy belli bolar. Ýarym finalyň ilkinji duşuşygynda Argentina bilen Horwatiýanyň ýygyndysy finala çykmak ugrunda özara güýç synanyşarlar.Başgaça aýdylanda, Messimi ýa-da Modriç olaryň haýsysy finala çykan tarap bolar.
Ilkinji finalçyny belli etjek oýun “Lusial Iconic” stadionynda oýnalar we 00:00-da başlanjak bu duşuşyga italiýaly Daniele Orsato eminlik eder.Iki topar mundan ozal 5 gezek duşuşdy. Şol oýunlarda hersi 2 gezek ýeňiş gazandy.
Olar Dünýä Kubogynda 3-nji gezek duşuşyp, Fransiýa 1998-de Argentina 1-0, 20 ýyldan soň Russiýa 2018-de hem Horwatiýa 3-0 ýeňipdi.Iki duşuşyk hem toparçalarda oýnalyp, olar bu gezek ýarym finalda duşuşarlar.
Argentina 6-njy, Horwatiýa 2-nji gezek finala çykmak üçin göreşer.Argentinleriň düzüminde Markos Akunýa bilen Gonzalo Montiel çärýek finalda sary kart alandyklary üçin ýarym finaly goýbermeli bolarlar.
Tälimçi Skaloni Akunýanyň ornuna Taliafikony meýdança çykarmagyna garaşylýar.Montiel onsuzam aglaba ätiýaçdan oýna girýärdi.
Duşuşygyň penaltilere galan ýagdaýynda-da iki derwezeçiniň görkezjek başarnygy ýeňijini kesgitlär. Iki derwezeçi-de penaltileri saklamakda özleriniň ýakasyny tanadyp, horwatiýaly Liwakowiç garşydaşyna garanyňda, bir ädim öňde ýaly.