Mundan 94 ýyl ozal şu gün futbol boýunça ilkinji Dünýä Kubogyna badalga berilýär.
Urugwaýda geçirilen bu çempionata 13 ýygyndy gatnaşýar. 30-njy iýula çenli dowam eden ýaryşa gatnaşanlaryň köpüsi Günorta Amerika yklymynyň wekilleri bolýar. Çempionatda Günorta Amerikadan 7 ýer eýeleri Urugwaý, Argentina, Boliwiýa, Çili, Braziliýa, Paragwaý, Peru, Demirgazyk Amerikadan 2 Meksika, ABŞ hem-de Ýewropadan 4 Belgiýa, Fransiýa, Rumyniýa we Ýugoslawiýa gatnaşýar.
Netijede, 1-nji ýarymda argentinleriň, 2-nji ýarymda urugawlylaryň getiren topy bilen oýnalan finalda Urugwaýyň ýygyndysy Argentinanyň ýygyndysyny 4-2 hasabynda ýeňip, ilkinji çempion bolýar.