Azerbaýjanyň Prezidenti Ilham Aliýew Azerbaýjanyň paýtagty Baku şäherinde geçirilen Goşulyşmazlyk Hereketiniň Kowid-19-a garşy göreşmek boýunça Aragatnaşyk toparynyň sammitinde çykyş etdi.
Goşulyşmazlyk Hereketi hökmünde adalady we halkara hukugy goraýandyklaryny aýdan Ilham Aliýew, käbir baý ýurtlaryň epidemiýa zamanyndaky aşa rasizminiň Kowid-19-a garşy göreşde uly päsgelçilikler döredendigini habar berdi.
Halkara hukukdaky meseleleriň we degenerasiýanyň üstünde durup geçen Ilham Aliýew, özygtyýarlylyk we territorial bütewilikleriň bozulmagy, döwletleriň içerki işlerine goşulmak ýaly hadysalaryň artandygyny beýan etdi.
Dünýäde neokolonializm tendensiýasynyň artandygyna ünsleri çeken Aliýew: "Goşulyşmazlyk Hereketi Komorlar Bileleşiginiň fransuz kolonializm dolanşygynyň astynda galan Maýotte adasy bilen bagly çürt-kesik özygtyýarlylygyny hemişe güýçli ýagdaýda goldady.Fransiýanyň hökümetine Täze Kaledoniýa halkynyň we daşary ýurtlardaky fransuz jemgyýetlerindäki we topraklaryndaky beýleki halklaryň hukuklaryna hormat goýmaga çagyrýarys.
Fransiýanyň Ýewropadan daşary gözegçilik edýän topraklary Fransuz kolonializm imperiýasynyň elhenç galyndylarydyr.Fransiýany Afrika, Günorta-gündogar Aziýa we beýleki ýerlerdäki Goşulyşmazlyk Hereketine agza ýurtlaryna garşy kolonial geçmiş, ganly kolonial jenaýatlar we genosid aksiýalary sebäpli ötünç soramaga we jogapkärçiligini boýun almaga çagyrýarys" diýip belledi.
Ilham Aliýew BMG-nyň Howpsuzlyk geňeşinde özgertmeleriň geçirilmeginiň zerurdygyny belläp: "BMG-nyň Howpsuzlyk geňeşiniň hemişelik agza sanyny has köp ýurdy öz içine aljak ýagdaýda giňeldilmeli we geografik taýdan has adalatly bolmalydyr. Goşulyşmazlyk Hereketine bir hemişelik orun berilmeli we döwürleýin başlyk bolan ýurt şol wezipä eýe bolmalydyr" diýip nygtady.
Maslahata Ilham Aliýew bilen birlikde Türkmenistan, Özbegistan, Yrak we Liwiýa ýaly döwletleriň Prezidentleri, Bosniýa-Gersegowinanyň Prezidium geňeşiniň başlygy, Kuba, Gabon we Tanzaniýa ýaly döwletleriň Wise-prezidentleri, Alžir we Keniýa ýaly döwletleriň bolsa Premýer ministrleri gatnaşdylar.