Hytaýyň Ninbo şäherinde geçirilen agyr atletika boýunça Aziýanyň 48-nji çempionatynda ildeşimiz Hojamuhammet Toýçyýew bürünç medala mynasyp boldy.Ol 109-dan ýokary agram derejesinde birbada götermekde 187 kg, itekläp götermekde-de 234 kg götermegi başardy.
Ol birbada götermekde 4-nji, itekläp götermekde bolsa, 3-nji orny eýeledi.Umumylykda-da 421 kg agramy galdyran türkmenistanly pälwan bürünç medala mynasyp boldy.Bu agramda eýranly Ali Dawudi 1-nji (432 kg), Hytaý taýpeýli Çen Şih-çieh (422 kg) 2-nji ýeri eýeledi.Zenanlaryň arasynda Aýsoltan Toýçyýewa 81 kg agramda çykyş edip, ildeşimiziň itekläp götermekde görkezen netijesi iň gowy 2-nji görkeziji diýlip, hasaba alyndy.
Ol 114 kg agramy galdyryp, 2-nji orna mynasyp boldy.Umumylykda medallaryň sanawynda hytaýly ştangaçylar uly artykmaçlyk görkezdiler.Olar 11 altyn, 6 kümüş, 2 bürünç medal gazandylar. 2 altyn medal alan Demirgazyk Koreýa 2-nji (4 kümüş, 4 bürünç), Eýran 3-nji (3 kümüş, 1 bürünç), Günorta Koreýa 4-nji (2 bürünç) orny eýeledi. Çempionatda erkek türgenler 5, zenanlar bolsa 10 sany dünýä rekordyny täzeledi.