Tennis boýunça “Maýami Açyk Masters” ýaryşynda erkekleriň arasynda Rojer Federer ýeňiş gazandy.Ol finalda amerikaly tennisçi Jon Iznerden 6:1, 6:4 hasaplarda üstün çykyp, bu ýaryşdaky 4-nji kubogyny asmana galdyrdy.
Umumylykda 28-nji “Masters” kubogyny alan Federer ATP-niň ýaryşlaryndaky 101-nji çempionlygyny baýram etdi.Federer şu möwsümde geçiren 16 duşuşygynyň diňe birinde ýeňlipdi. “Maýami Açykda” zenanlaryň arasynda awstraliýaly Eşli Barti ýeňiji bolup, ol finalda çehiýaly Karolina Plişkowadan 7:6 we 6:3 hasaplar bilen üstün çykdy.
Bu onuň karýerasyndaky 4-nji ýeňşidir.Jübütleýin görnüşinde erkekleriň arasynda amerikaly tennisçi doganlar Bob we Maýk Braýanlar “Maýami Açykdaky” 6-njy çempionlygyny gazandy.Zenanlaryň arasynda-da belgiýaly Elize Mertens bilen belarusly Aryna Sobolenko çempion bolmagy başardy.