Hormatly Prezidentimiziň parasatly baştutanlygynda durmuşa geçirilýän “Açyk gapylar” syýasaty netijesinde, ýurdumyz bilen hyzmatdaşlyk etmäge gyzyklanma bildirýän döwletler hem-de halkara guramalar bilen işjeň hyzmatdaşlyk edilýär.Bu babatda ýurdumyza yzygiderli daşary ýurtlardan wekiliýetler gelýär. Şu hepdäniň dowamynda Ýaponiýanyň hem-de Energetika Hartiýasynyň wekiliýeti ýurdumyzda saparda boldy. 22-nji ýanwarda Daşary işler ministrliginde Aşgabada iş sapary bilen gelen Energetika Hartiýasynyň Baş sekretary Urban Rusnakyň ýolbaşçylygyndaky wekiliýet bilen duşuşyk geçirildi.
Gepleşikleriň dowamynda taraplar 2008-nji ýylyň 19-njy dekabrynda ýola goýlan Türkmenistanyň hem-de Energetika Hartiýasynyň arasyndaky ikitaraplaýyn hyzmatdaşlygy kämilleşdirmek bilen bagly meseleleriň birnäçesini ara alyp maslahatlaşdylar.Taraplar Energetika Hartiýasy boýunça Konferensiýasynyň 2017-nji ýylyň 28-29-njy noýabrynda Aşgabatda geçirilen 28-nji mejlisiniň ileri tutulýan ugurlaryny hem-de onuň netijeli häsiýete eýedigini belläp, 2019-njy ýylda geçirilmegi meýilleşdirilýän Merkezi we Günorta Aziýada sebitleýin energetika hyzmatdaşlygynyň maksatlaýyn toparynyň 15-nji mejlisini (RECCA) geçirmek baradaky meselelere garadylar.Ýaponiýanyňwekiliýetiniň sapary21-nji ýanwarda Daşary işler ministrliginde Aşgabat şäherine iş sapary bilen gelen “ITOCHU Corporation” kompaniýasynyň wise-prezidenti we Ykdysady hyzmatdaşlyk boýunça ýapon-türkmen komitetiniň başlygy jenap Ýoiçi Kobaýaşiniň ýolbaşçylygyndaky ýapon wekiliýeti bilen duşuşyk geçirildi.Duşuşygyň barşynda taraplar Türkmenistanyň we Ýaponiýanyň arasyndaky hyzmatdaşlygyň, aýratyn hem ykdysady we medeni-ynsanperwer ulgamlardaky gatnaşyklaryň ýokary derejesini bellediler. “Komatsu” kompaniýasy tarapyndan öndürilýän oba hojalyk tehnikalarynyň getirilmegi boýunça bilelikdäki taslamalaryň meselelerine seredildi. Şeýle hem Ýaponiýanyň Halkara hyzmatdaşlyk bankynyň (“JBIC”) gatnaşmagynda bilelikdäki maýa goýumlary bilen baglanyşykly meseleler ara alnyp maslahatlaşyldy.
Gepleşikleriň ahyrynda taraplar degişli Teswirnama gol çekdiler.