Geçen dynç günleri Hytaýyň girdeji ýygymy 2022-nji ýyl üçin rekord derejede pes görkezijä çenli azaldy. Muňa koronawirusa garşy göreşe gönükdirilen çäklendirmeleriň güýçlendirilmegi sebäp boldy diýip, Artisan Gateway kompaniýasynyň maglumatlaryna salgylanyp, The Variety habar berýär. Muny gazeta.ru ýetirýär.
Artisan Gateway-yň hasabatyna görä, dynç günlerinde tutuş ýurt boýunça girdeji ýygymy 10,5 mln dollar boldy. Häzirki wagtda ýylyň başyndan bäri umumy girdeji ýygymy 2,42 mlrd dollara deň, bu bolsa 2021-nji ýyldaky görkezijiden 28% azdyr.
Hytaýyň girdeji ýygymynda birinji orunda 3 mln dollar ýygnap, “Fantastik jandarlar: Dambldoryň syrlary” filmi ýerleşdi. Ikinji orny 2,7 mln dollar deslapky görkeziji bilen “Ýere düşen adam” filmi eýeledi. Liderleriň üçlügini 1,3 mln dollar gazanan “Dynç alyşdaky nägehanlar 2: Transformaniýa” multfilmi jemledi.