Ýerli dolanşykdan berilen beýanata görä ýer titremäniň täsir ýetiren goňşy Çinghaý welaýatynyň Donghaý etrabynda ýer süýşgüniniň netijesinde ýeriň aşagynda galan ýene-de 1 adamyň jesedi tapyldy.
Şeýlelik bilen ýer titremede ýogalanlaryň sany Gansu welaýatynda 117 adama, goňşy Çinghaý welaýatynda 32 adama ýetdi.
Hytaýyň Ýer titreme tory merkezi 18-nji dekabr güni gije güýç merkezi Şençžen Baoan Donsýan we Salar awtonom etraby bolan 6,2 bal ululygynda ýer titremäniň bolandygyny habar beripdi.
Ýer titreme sebäpli 2 welaýatyň serhede ýakyn bolan zolagynda köp sanda öý ýumruldy, suw we elektrik geçirijilerine, transport infrastrukturasy bilen aragatnaşyk torlaryna zeper ýetdi.
Ýer titremede 1000-den gowrak adam ýaralandy, zeper ýeten ýaşaýyş ýerlerindäki 87 müň adam howpsuz ýerlere göçürildi.